സാമ്പത്തിക പ്രതിസന്ധി

         "എഞ്ചിനീയര്‍ ആയ ജോലി ഉറപ്പാ..അതും കമ്പ്യൂട്ടര്‍ എഞ്ചിനീയര്‍"  2005 , +2  പാസ് ആയി നില്‍ക്കുന്ന സമയം.. എഞ്ചിനീയര്‍ ആകണോ, ഡോക്ടര്‍ ആകണോ, അല്ലേല്‍ ഡിഗ്രിക്ക് പോകണോ, എന്നൊക്കെ ആലോചിച് ത്രിശങ്കു സ്വര്‍ഗത്തില്‍ നില്‍ക്കുന്ന സമയം... നാട്ടുകാരും വീട്ടുക്കാരും ഒരേ ഉപദേശം..."ഇപ്പൊ ഡിമാണ്ട് ഐ ടി ക്കാ... അത് കൊണ്ട് ഐ ടി അല്ലേല്‍ സി എസ് പഠിച്ച മതി..." അവന്റെയൊക്കെ ഉപദേശം കേട്ടാല്‍ തോന്നും പത്തു തവണ ബി.ടെക് പാസ് ആയതാ  എന്ന്... എങ്കിലും എല്ലാവരുടെയും വാക്കുകള്‍ കേട്ടപ്പോ അറിയാതെ ഇന്ഫോസോസും മൈക്രോസോഫ്റ്റും ഒക്കെ എന്റെ മനസ്സിനെയും കോരി തരിപ്പിച്ചു.. ഒടുവില്‍ ബി.എസ് സി ഫിസിക്സ്‌ പഠിക്കണം എന്ന് ആഗ്രഹിച്ഗ ഞാനും വീണും എഞ്ചിനീയറിംഗ് എന്നാ മോഹ വലയത്തില്‍...

          എഞ്ചിനീയറിംഗ്  ചേരാം എന്ന് തീരുമാനിച്ചു...എവിടെ ചേരും..? അതൊരു ചോദ്യമായി ദാമോക്ലെസിന്റെ വാള് പോലെ എന്റെ തലയ്ക്കു മുകളില്‍ നിന്നു.. ഏതായാലും ഗവണ്മെന്റ് കോളേജില്‍ ഒന്നും കിട്ടില്ല.. അപ്പോഴാണ് വീടിന്റെ അടുത്തുള്ള ചേട്ടന്‍ തലശ്ശേരി എഞ്ചിനീയറിംഗ് കോളേജില്‍ പഠിക്കുന്ന കാര്യം ഓര്മ വന്നത്.ഉടന്‍ വിട്ടു ചേട്ടന്റെ അടുക്കലേക്ക്...ഞാന്‍ ചോദിച്ചു,"ചേട്ടാ കോളേജ് എങ്ങനെ? " നല്ല ബെസ്റ്റ് കോളേജ് ആണെടാ.. placement ഉറപ്പാ...കേട്ട പാതി,കേള്‍ക്കാത്ത പാതി,  ഞാന്‍ തീരുമാനിച്ചു..തലശ്ശേരി എഞ്ചിനീയറിംഗ് കോളേജ് മതി...4 വര്ഷം കഴിയുമ്പോ ഞാന്‍ ആരാ? എഞ്ചിനീയര്‍... അതും കമ്പ്യൂട്ടര്‍ സയന്‍സ്..ശമ്പളം 25000  നു മുകളില്‍... ആഹാ.. എന്ത് നല്ല സ്വപ്‌നങ്ങള്‍...

       ഈ സ്വപ്‌നങ്ങള്‍ ചുമലില്‍ ഏറ്റി കൊണ്ടാണ് കുണ്ടൂര്‍  മല ചവിട്ടി കയറിയത്... ആദ്യത്തെ കുറച്ചു ദിവസം എനിക്ക് പ്രതീക്ഷ ഉണ്ടായിരുന്നു..2  ആഴ്ച കൊണ്ട് തന്നെ എല്ലാം നഷ്ടപ്പെട്ടു..പിന്നീട് ഒരു യാത്ര ആയിരുന്നു... 4  വര്‍ഷത്തെ നീണ്ട ഒരു യാത്ര...ഇതിനിടയില്‍ വിവരം ഉള്ളവരും അതിനെക്കാള്‍ കൂടുതല്‍ വിവരം ഇല്ലാത്തവരും വന്നു പഠിപ്പിച്ചു.. പക്ഷെ എനിക്ക് വിവരം ഒന്ന് വന്നില്ല... 

       3rd ഇയര്‍ കഴിഞ്ഞു..... ഇനി അങ്ങോട്ട് placement കൊണ്ട് പൊറുതി  മുട്ടും..ഇതു കമ്പനി വേണം എന്ന് തീരുമാനിച്ച മതി..തലശ്ശേരി എഞ്ചിനീയറിംഗ് കോളേജിലെ ബുദ്ധിമാന്മാരായ എഞ്ചിനീയര്‍ മാരെ തേടി മൈക്രോസോഫ്ട്‌,ഐ ബി എം,ഗൂഗിള്‍,യാഹൂ,തുടങ്ങിയ കമ്പനികള്‍ ക്യൂ നില്‍ക്കുന്ന സമയം.. ഞങ്ങള്‍ കിട്ടുന്ന ശമ്പളം എങ്ങനെ ചെലവ് ചെയ്യണം എന്ന് അന്ന് വരെ പ്ലാന്‍ ചെയ്തു കൊണ്ട് ഫൈനല്‍ ഇയര്‍ ക്ലാസ്സിലേക്ക് കാല്‍ എടുത്തു വെച്ചതും അതാ കേള്‍ക്കുന്നു 

                                      "സാമ്പത്തിക പ്രതിസന്ധി"

      അമേരിക്ക പോലും സാമ്പത്തിക പ്രതിസന്ധിയില്‍ പെട്ട് ആദി ഉലയുകയാനത്രേ.. പിന്നെയല്ലേ ഈ അമേരിക്കയെ ആശ്രയിച്ചു പൊറോട്ടയും ബീഫും കഴിക്കുന്ന ഇന്ത്യന്‍ ഐ ടി കമ്പനികള്‍.. ഒരു കമ്പനി പോലും ഇന്റര്‍വ്യൂവിനു വരാതെ ഞങ്ങള്‍ ബി.ടെക് പാസ്‌ ആയി..

       പേരിനു പിന്നില്‍ എഞ്ചിനീയര്‍ എന്നാ വാലുമായി പുറത്ത് ഇറങ്ങി... പല കമ്പനികളുടെയും വാതിലുകള്‍ ചെന്ന് മുട്ടി.. ഒരു ജോലിക്ക് ആയി...പക്ഷെ ആര്‍കും വേണ്ട ഒരു എങ്ങിനീരെ... എന്ത് ചെയ്യും..? കാത്തിരിക്കാനും പറ്റില്ല...2010 ആകുമ്പോ പുതിയ ബാച്ച്  പാസ്‌ ഔട്ട്‌ ആകും.. അപ്പൊ ഞങ്ങളെ ആര്‍ക്കും വേണ്ട്താകും...ഞങ്ങള്‍ അപ്പൊ out dated ആയി പോകുമത്രേ..

     അങ്ങനെ out dated  ആവതിരിക്കുക എന്ന ഒറ്റ ലക്ഷ്യത്തോടെ വീണ്ടും പഠിക്കാം എന്ന് തീരുമാനിച്ചു..അങ്ങനെയാണ് എം.ടെക് എന്ന മോഹം മനസ്സില്‍ ഉദിക്കുന്നത്..ഒടുവില്‍ ഒരു വര്ഷം തെണ്ടി നടന്ന  ശേഷം എം.റെചിനു ചേര്‍ന്നു... 2012 ഇല്‍ പാസ്‌ ഔട്ട്‌  ആകുമ്പോഴേക്കും ഐ ടി   ഫീല്‍ഡ് കുതിച്ചുയര്‍ന്നു ബുര്‍ജ് ഖലീഫ പോലെ ഉയര്‍ന്നു നില്‍ക്കും എന്ന പ്രതീക്ഷയോടെ...

      ആ പ്രതീക്ഷകളെ വാനോളം ഉയര്‍ത്തി കൊണ്ട് റോക്കറ്റ് പോലെ കുതിച്ചുയര്‍ന്നു ഐ ടി ഫീല്‍ഡ് കഴിഞ്ഞ വര്ഷം.. പക്ഷെ വീണ്ടും കേള്‍ക്കുന്നു,ലോകം സാമ്പത്തിക പ്രതിസന്ധിയിലേക്ക് നീങ്ങുകയാനു എന്ന്... ഇന്ത്യ വിട്ട റോക്കറ്റ് പോലെയാകുമോ ഐ ടി ? അത് പോലെ ഐ ടി ഫീല്‍ഡ് താഴെ വീണു ചിതറുമ്പോ തകരുന്നത് പതിനായിര കണക്കിന എഞ്ചിനീയറിംഗ് വിദ്യാര്‍ഥികളുടെ സ്വപ്നങ്ങളും പ്രതീക്ഷകളും ജീവിതവുമാണ്... കൂടെ എന്റെയും....